Некогаш и сега

Лилјана Палигора е родена во Прилеп каде што завршила основно и средно образование. Дипломирала во Скопје, на Вишата педагошка школа, група математика и физика. Својот работен век го поминала како професор по математика и физика, но паралелно на тоа, кај неа се развива љубовта кон литературата до тој степен што сосем ќе ја реконструира нејзината професионална определба. Во 2006 година, таа се појавува на македонската книжевна сцена со романизираната автобиографија „Ли“, а потоа следат години на плодно и неуморно творештво: „Патување низ минатото“ (збирка раскази), „Меѓу сините простори“ (роман), „Патот на пеперутките“ (роман), „Момчето со хармониката“ (роман), „Ѕиркање низ подотворена порта“ (збирка раскази). „Некогаш и сега“ е нејзина седма книга.