Јасмина Миронски

Новинар, комуниколог, предавач по новинарство и односи со јавност, публицист и автор на книги, соработува со Институтот за Комуникациски стратегии (ИКС) и со Македонксиот институт за медиуми (МИМ). Повеќе од 25 год. била постојан дописник на Агенцијата Франс Прес (АФП) од Париз.
Добитник е на наградата за публицистика на Град Скопје “13 Ноември“ (2001).
Докторирала политички науки, магистрирала Меѓународна економија на Економскиот институт, а дипломирала на Интердисциплинарните студии на новинарство на Универзитетот „Св. Кирил и Методиј“ во Скопје. Работела како консултант и ПР експерт за повеќе проекти, како предавач и обучувач, но и подготовка на комуникациски стратегии на владини и невладини институции и организации.
Како новинар работи во радио „Радио Скопје – Втора програма“ (1983-1989), “Нова Македонија“ (1989-2002) известува за сите настани позврани со распадот на бивша Југославија, специјален известувач и воен репортер е од Словенија, ги следи настаните поврзани со сите кризи во регионот. Како специјален известувач на „Нова Македонија“ и Телевизија А1 се јавува од Лондон, (1992) каде работи во билтенот WarReport, како и од Париз (1995-1996) каде е дел од новинарскиот тим во месечникот “Europe”.
Телевизиски продуцент е за престижната Worl Wide Television News (WTN) со седиште во Лондон (1992-1997), соработува со Newsweek, CNN, Die Welt, Los Angeles Times, Шведско радио, како и за словенечкиот неделник Telex, хрватскиот Vecernji list, лондонски Тајмс, за американската агенција АП и АПТН, за американскиот Ундарк магазин, и други.
Позначајни публикации на Јасмина Миронски:
„Односи со јавноста и ефективна комуникација“ (2019)
„Како до подобро комуницирање со јавноста“ (2016)
„Подобра комуникација со медиумите“ (2015)
„Вештини за комуницирање и лобирање“ (2014)
„Односи со јавност и медиуми“ (2010)
„Како да комуницирате сo медиумите“ (2003)
„Како да пишувате за печатени медиуми“ (2005).
Уредник и приредувач е на книгата „Верувам во Македонија“ (2014) (говори на претседателот Борис Трајковски) и на “The Road To Effective Community Support (corporate philanthropy guide” (2010), “The Role of the Media in the 2001 Armed Conflict in Macedonia”, coauthor (2001)
Автор е на монографијата “Mother Teresa, Citizen of Skopje – Citizen of the World” (1998), и на книгата – „Мајка Тереза -Светилката сеуште гори“, преведена на англиски и на албански јазик.